दि प्राथमिक शिक्षक सहकारी बँक लि; कोल्हापूरच्या अध्यक्षपदी शिवाजी रोडे - पाटील तर उपाध्यक्षपदी सुरेश कोळी

कोल्हापूर (प्रतिनिधी) - दि प्राथमिक शिक्षक सहकारी बँक लि; कोल्हापूर या बँकेची संचालक मंडळाची सभा सोमवार ०४ ऑगस्ट रोजी बँकेच्या सभागृहात अध्यक्ष व उपाध्यक्ष निवडीकरिता प्रेरणा शिवदास, सहाय्यक निबंधक, सहकारी संस्था अधिन जिल्हा उपनिबंधक, सहकारी संस्था, कोल्हापूर अध्यासी अधिकारी यांच्या अध्यक्षतेखाली संपन्न झाली. या सभेमध्ये शिवाजी रोडे - पाटील, तालुका शाहुवाडी यांचे नाव वर्षा केनवडे यांनी सुचविले तर त्यास अर्जुन पाटील यांनी अनुमोदन दिले. उपाध्यक्ष पदासाठी सुरेश कोळी, तालुका करवीर यांचे नाव पद्मजा मेढे यांनी सुचविले व त्यास बाळकृष्ण हळदकर यांनी अनुमोदन दिले. अध्यक्ष व उपाध्यक्ष पदासाठी अन्य कोणाचीही नामनिर्देशन प्रत्रिका नसल्याने अध्यासी अधिकारी प्रेरणा शिवदास यांनी शिवाजी रोडे - पाटील यांची अध्यक्ष तर सुरेश कोळी यांची उपाध्यक्षपदी बिनविरोध निवड झाल्याचे जाहीर केले.

सत्काराला उत्तर देताना नूतन अध्यक्ष शिवाजी रोडे - पाटील यांनी बँकेचे संचालक व सुकाणू समितीचे सर्व पदाधिकारी यांचे आभार मानले व त्यांना धन्यवाद दिले. या संधीचा मी बँकच्या प्रगतीसाठी व सभासदांच्या उन्नतीसाठी प्रयत्न करीन. अध्यक्षपदाच्या कालावधीमध्ये बँकेचा कारभार पारदर्शी होण्यासाठी आणि बँकेचा व्यवसाय व ठेवींमध्ये वाढ होण्यासाठी आपले प्रयत्न राहतील. वचननाम्याच्या पूर्ततेसाठी सकारात्मक उर्जा घेऊन सभासदांच्या आर्थिक उन्नतीचा विचार घेऊनच संचालक मंडळ काम करील. सभासदांच्या अडचणी समजावून घेवून त्या सोडविण्यासाठी आपला प्रयत्न राहील.

सभेच्या अध्यक्षा प्रेरणा शिवदास यांनी सभा खेळीमेळीत व शांततेत पार पाडल्याबद्दल संचालक मंडळाचे आभार मानून निवडीचा कार्यक्रम संपल्याचे जाहीर केले. त्यानंतर नूतन अध्यक्ष व उपाध्यक्ष यांचे अभिनंदनपर संचालक व सुकाणू समितीची भाषणे झाली.

यावेळी सभेला संचालक बाळकृष्ण हळदकर, बाळासाहेब निंबाळकर, राजेंद्रकुमार पाटील, सुनिल एडके, अर्जुन पाटील, एस.व्ही. पाटील, नंदकुमार वाईगडे, अमर वरुटे, शिवाजी बोलके, गजानन कांबळे, बाबू परीट, पद्मजा मेढे, वर्षा केनवडे, रामदास झेंडे तसेच सुकाणू समितीचे सर्वश्री जोतीराम पाटील, रविकुमार पाटील, सुनिल पाटील, विलास चौगुले, प्रमोद तौंदकर, रघुनाथ खोत, सदाभाऊ कांबळे, हेमंत भालेकर, तौसीफ पटेल, शिवाजी के. पाटील, बी.एस. पोवार, प्रकाश खोत, संजय कुर्दूकर विविध संघटनाचे अध्यक्ष, उपाध्यक्ष, सरचिटणीस, जिल्ह्यातील शिक्षक पतसंस्थाचे चेअरमन, व्हाईस चेअरमन, संचालक, श्री शाहू आघाडीचे सभासद तसेच बँकेचे मुख्य कार्यकारी अधिकारी संजयकुमार मगदूम उपस्थित होते.