लाल किल्ल्याजवळ कारबॉम्ब स्फोट १० ठार, २० जखमी ; तपासात 'ही' माहिती आली समोर

दिल्ली - दिल्लीतील लाल किल्ला मेट्रो स्थानकाच्या परिसरात सोमवारी संध्याकाळी एका हुंडाई आय २० कारच्या स्फोटात १० जणांचे मृत्यू झाले आणि सुमारे २० जण जखमी झाले. स्फोटाची तीव्रता फारच उच्च होती आणि घटनास्थळी मोठी खळबळ पसरली. स्फोट झालेली कार तीन तासांपर्यंत सुनहरी मशिदीजवळ उभी राहिली होती. 

पोलिसांच्या माहितीनुसार,  ती कार दुपारी ३ : १९ पासून पार्किंगमध्ये होती ; संध्याकाळी ६: ४८ च्या दरम्यान पार्किंगमधून काढण्यात आली आणि ६ : ५२ च्वाया दरम्यान मोठा स्फोट झाला. स्फोटाच्या जागा वेळेची काळजीपूर्वक निवड केली गेली असल्याचे तपासात आढळले आहे. दिल्ली पोलिसांच्या स्पेशल सेलने तपास सुरू केला असून घटनास्थळी मिळालेल्या पुराव्यांनुसार हा आत्मघाती हल्ला असल्याचे समोर आले आहे. संबंधित धागे फरिदाबादच्या दहशतवादी मॉड्युलशी जोडले गेले आहेत.

स्फोटक कार चालवत होता डॉ. मोहम्मद उमर, जो फरिदाबादमधील अल फलह वैद्यकीय महाविद्यालयात कार्यरत होता. पोलीस म्हणतात की उमर हा फरार संशयित असून त्याला अटकेची भीती होती, त्या भीतीतून त्याने आत्मघाती स्फोट घडवला. सीसीटीव्ही फुटेजमध्ये उमर कार चालवत असतानाचे दृश्य आढळले आहे. कार हरियाणाच्या नंबर प्लेटसह बदरपूर सीमेमार्फत दिल्लीत दाखल झालेली होती.

तपासात असेही समोर आले आहे की, स्फोटात इंधन - तेल व अॅमोनियम नायट्रेटचा वापर करून प्रभाव वाढवण्याचे प्रयत्न होते. फरिदाबादमधून देखील अॅमोनियम नायट्रेट जप्त करण्यात आले होते. तसेच संबंधित प्रकरणात सुमारे २,९०० किलो स्फोटके पकडण्यात आल्याची माहिती आहे. तपासाच्या आधारे उमरने डिटोनेटर आणि स्फोटक कारमध्ये ठेवले होते.

उमरला डॉ. मुझम्मिल शकीलच्या अटकेची माहिती मिळाल्याने तो घाबरला आणि त्याच्या भीतीने घाईघाईत आत्मघाती हल्ल्याची योजना आखण्यात आली. शकीलकडून २,९०० किलो साहित्य जप्त झाले होते, जे आयईडी बनवण्यासाठी वापरले जाते, आणि शकील फरिदाबादमधील अल फलह विद्यापीठात शिकवतो. या प्रकरणात तपास यंत्रणांनी डॉ. अदिल राथर व डॉ. शाहीन यांना ही अटक केली आहे. यामुळे उमरच्या घबराटीत वाढ झाली आणि त्याने आतापर्यंतचा निर्णय घेतला, असा तपास निकषांनुसार समजते.

तपास अजूनही चालू असून स्पेशल सेल व इतर तपास यंत्रणा घटनास्थळी जमा झालेल्या पुराव्यांची चौकशी करीत आहेत.