पालकमंत्र्यांच्या उपस्थितीत रविवारी रंगणार GPL स्पर्धेचा अंतिम महामुकाबला

गारगोटी( प्रतिनीधी): भुदरगड तालुक्यातील क्रिकेट प्रेमींसांठी गेल्या 17 वर्षापासून मोनी विद्यापीठाच्या क्रिडांगणावर सूरु असलेल्या गारगोटी प्रिमीअर लिग (GPL) स्पर्धेला उस्फुर्त प्रतिसाद मिळाला आहे. दिवस-रात्र सुरु असलेल्या या स्पर्धेत 21 संघांनी सहभाग नोंदवला असून रविवार 19 एप्रिल रोजी रात्री 8 वाजता  कोल्हापूर जिल्हयाचे पालकमंत्री नामदार प्रकाश आनंदराव आबिटकर यांच्वियासह विविध मान्यवरांच्या उपस्थितीत अंतिम महामुकाबला होणार असून या सामन्याकडे हजारो क्रिकेट प्रेमींचे लक्ष लागून राहिले आहे.

GPL स्पर्धेच्या नियोजनाप्रमाणे सामने पार पडले असून क्रिकेट प्रेमींच्या उस्फुर्त प्रतिसादामुळे गेल्या 15 दिवसापांसून सुरु असलेल्या  GPL स्पर्धा यशस्वी होत असलेची माहिती GPL कमिटीचे अध्यक्ष बाजीराव चव्हाण यांनी दिली.तालुक्यात 17 वर्षांपासून सुरु असलेली क्रिकेट स्पर्धा यावर्षी पहिल्यांदाच दिवस-रात्र सुरु असून अंतिम सामना रात्रीच्या वेळी प्रकाशझोतात खेळवला जात आहे. 

 गारगोटी सारख्या निमशहरी भागात मौनी विद्यापीठाच्या क्रिडांगणावर होत असलेल्या या सामण्यामुळे नव्या पिढीतील अनेक क्रिकेट खेळाडूंना संधी मिळाली आहे. या स्पर्धेमध्ये सहभागी होणाऱ्या संघांची संख्या प्रतिवर्षी वाढत आहे. हे या स्पर्धेचे यश आहे.या स्पर्धेसाठी क्रिडांगणावर आवश्यक अद्ययावत विद्युत यंत्रणा उभारल्यामुळे सामन्यातील आकर्षकता वाढली आहे.

GPL स्पर्धेतील विजेत्या संघांना आकर्षक बक्षिसे दिली जाणार आहेत. अंतिम सामन्यावेळी पालकमंत्री प्रकाश आबिटकर यांच्रायासह राजकीय, सामाजिक, शैक्षणिक व क्रिडा क्षेत्रातील अनेक मान्यवर उपस्थित राहणार आहेत.