पेट्रोल-डिझेलच्या किंमतीत मोठी अपडेट! जाणून घ्या आजचा दर

आंतरराष्ट्रीय बाजारात कच्च्या तेलाच्या दरात चढ-उतार सुरू असतानाही देशातील पेट्रोल आणि डिझेलच्या दरांमध्ये आज कोणताही बदल करण्यात आलेला नाही. शनिवार, १९ सप्टेंबर रोजी तेल कंपन्यांनी पेट्रोल-डिझेलचे दर जुन्याच पातळीवर कायम ठेवले आहेत.

आंतरराष्ट्रीय बाजारात कच्च्या तेलाच्या किमतीत पुन्हा घसरण झाली आहे. ब्रेंट क्रूडच्या दरात सुमारे १ टक्क्यांची घट झाली असून, त्याचा भाव १०३ डॉलर प्रति बॅरलच्या आसपास आहे. मात्र, या घसरणीचा थेट परिणाम देशांतर्गत पेट्रोल-डिझेलच्या दरांवर झालेला नाही.

इंडियन ऑईल, भारत पेट्रोलियम आणि हिंदुस्तान पेट्रोलियम या तेल कंपन्या दररोज सकाळी ६ वाजता पेट्रोल आणि डिझेलचे नवीन दर जाहीर करतात. सध्या देशातील प्रमुख शहरांमध्ये इंधनाचे दर स्थिर आहेत.

पेट्रोलचा आजचा दर

नवी दिल्ली: १०२.११ रुपये

कोलकाता: ११३.५१ रुपये

मुंबई: १११.२१ रुपये

चेन्नई: १०७.७६ रुपये

गुरुग्राम: १०२.९७ रुपये

नोएडा: १०१.७७ रुपये

बंगळुरू: ११०.९७ रुपये

भुवनेश्वर: १०८.९७ रुपये

चंदीगड: १०२.२० रुपये

हैदराबाद: ११५.७३ रुपये

लखनौ: १०१.८६ रुपये

पटना: ११३.८१ रुपये

तिरुअनंतपुरम: ११५.४९ रुपये

चार वर्षांनंतर पेट्रोल-डिझेल महागले होते

यावर्षी मे महिन्यात तब्बल चार वर्षांनंतर तेल कंपन्यांनी पेट्रोल आणि डिझेलच्या दरात वाढ केली होती. १५ मे रोजी पहिली दरवाढ झाली आणि त्यानंतर आणखी तीन वेळा इंधनाच्या किमती वाढवण्यात आल्या. परिणामी पेट्रोल आणि डिझेलच्या दरात एकूण सुमारे ७.५० रुपये प्रति लिटरपर्यंत वाढ झाली होती.

यापूर्वी देशांतर्गत पेट्रोल आणि डिझेलच्या दरात मोठी वाढ २०२२ मध्ये झाली होती.

डिझेलचा आजचा दर

नवी दिल्ली: ९५.२० रुपये

कोलकाता: ९९.८२ रुपये

मुंबई: ९७.८३ रुपये

चेन्नई: ९९.५५ रुपये

गुरुग्राम: ९५.६४ रुपये

नोएडा: ९५.२६ रुपये

भुवनेश्वर: १००.६८ रुपये

चंदीगड: ८९.४७ रुपये

हैदराबाद: १०३.८६ रुपये

जयपूर: ९८.५० रुपये

लखनौ: ९५.३६ रुपये

पटना: ९९.८० रुपये

तिरुअनंतपुरम: १०४.४१ रुपये

कच्च्या तेलाच्या दरामुळे कंपन्यांवर दबाव

कच्च्या तेलाचा दर ११० डॉलर प्रति बॅरलच्या आसपास पोहोचला होता, त्यावेळी तेल कंपन्यांच्या खर्चात मोठी वाढ झाली होती. काही रिपोर्ट्सनुसार, त्या काळात कंपन्यांना पेट्रोलवर सुमारे ५ रुपये, तर डिझेलवर तब्बल २३ रुपये प्रति लिटरपर्यंत तोटा सहन करावा लागत होता.

आता आंतरराष्ट्रीय बाजारात कच्च्या तेलाच्या दरात पुन्हा घसरण होत असली, तरी देशातील पेट्रोल आणि डिझेलचे दर स्थिर आहेत. आगामी सणासुदीच्या काळात तेल कंपन्या इंधनाच्या किमतीत बदल करतात का, याकडे सर्वांचे लक्ष लागले आहे.