‘बिग बॉस’मधून काही काळ दूर राहा; अर्शी खानने सलमान खानला का दिला सल्ला?

‘बिग बॉस’मुळे घराघरात पोहोचलेली अभिनेत्री आणि माजी स्पर्धक अर्शी खानने सलमान खानच्या आरोग्याबाबत चिंता व्यक्त केली आहे. अर्शीने सोशल मीडियावर एक व्हिडीओ शेअर करत सलमान खान यांनी काही काळ ‘बिग बॉस’च्या होस्टिंगपासून ब्रेक घ्यावा, अशी इच्छा व्यक्त केली.अर्शी खानने आपल्या व्हिडीओमध्ये सलमान खान यांच्याबद्दल आपले प्रेम आणि आदर व्यक्त केला. सलमान खान गेल्या काही काळापासून आरोग्याच्या समस्यांना सामोरे जात असल्याचे तिला जाणवत असल्याचे तिने म्हटले. तब्येत ठीक नसतानाही ते सातत्याने काम करत असल्याबद्दलही अर्शीने काळजी व्यक्त केली.

अर्शी म्हणाली की, सलमान खान हे ‘बिग बॉस’शी जोडलेल्या प्रत्येकासाठी खास आहेत. त्यामुळे त्यांनी कामापेक्षा आपल्या आरोग्याकडे अधिक लक्ष द्यावे, अशी तिची इच्छा आहे. सलमान खान यांनी काही काळ शोमधून ब्रेक घेऊन स्वतःच्या आरोग्याची काळजी घ्यावी, असे आवाहनही तिने केले.

‘बिग बॉस’चा स्वतःही भाग राहिल्यामुळे या शोशी अर्शी खानचे भावनिक नाते आहे. त्यामुळेच सलमान खान यांनी दीर्घकाळ निरोगी राहावे आणि पुढेही काम करत राहावे, अशी इच्छा तिने व्यक्त केली.अर्शीने सलमान खान यांनी  दीर्घायुषी व्हावे आणि 100 वर्षे जगावे अशी भावनिक भावना व्यक्त केली. तिचा हा व्हिडीओ सध्या सोशल मीडियावर चर्चेत आहे.