Pune Accident : पुण्यातील नवले ब्रिजवर अपघात; दुचाकीस्वाराचा जागीच मृत्यू , एक गंभीर जखमी
mazamaharashtra 
माझा महाराष्ट्र ऑनलाईन : पुण्यातील नवले ब्रिजवर एक भीषण अपघात घडला असून मर्सिडीज कारने दुचाकीला धडक दिल्याने दुचाकीस्वाराचा जागीच मृत्यू झाला आहे.
या अपघातात आणखी एक गंभीर जखमी झाला असल्याची माहिती मिळत आहे. कारचालकासह कारमधील चार जण मद्यधुंद अवस्थेत होते असा आरोप स्थानिकांनी केला आहे. या प्रकरणी पोलिसांनी दोघा कारचालकांना अटक केली असून, त्यांच्याविरोधात सदोष मनुष्यवधाचा गुन्हा दाखल केला आहे.
नवले ब्रीजवर अपघातांची मालिका सुरूच
पुण्यातील नवले ब्रीजवर अपघातांची मालिका सुरूच असते. अशातच आणखी एक भीषण अपघात घडला आहे. कुणाल हुशार (चिंचवड) असे मृत व्यक्तीचे नाव आहे. अपघाताची माहिती पोलिसांना मिळाल्यानंतर त्यांनी घटनास्थळी धाव घेतली. तसेच मृत आणि गंभीर जखमी असलेल्या व्यक्तीला रुग्णालयात नेण्यात आले.
