बिहार विधानसभा निवडणूक निकाल : एनडीएचा मोठा विजय, महाआघाडीचा पराभव

बिहार विधानसभा निवडणूक निकाल - बिहार विधानसभा निवडणुकीचा निकाल जाहीर झाला असून एनडीएला स्पष्ट बहुमत मिळाले आहे. एनडीएने एकूण २०७ जागांवर विजय मिळवला आहे, तर महागठबंधनला केवळ ३० जागा मिळाल्या आहेत. यंदा महाआघाडीला दणदणीत पराभव पत्करावा लागला आहे.

बिहार विधानसभा निवडणुकीत भाजप आणि जेडीयूने जबरदस्त कामगिरी करत विद्यमान सरकारला सत्तेत टिकवले आहे. त्यामुळे नितीश कुमार पुन्हा मुख्यमंत्री बनण्याच्या मार्गावर आहेत. तर चिराग पासवान यांचा पक्ष २२ जागांवर पुढे आहे. एनडीएच्या या प्रचंड बहुमतीमुळे बिहारमध्ये सरकार स्थापन होणे निश्चित दिसत आहे.

महाआघाडीच्या पराभवाची मुख्य कारणे पुढीलप्रमाणे आहेत -

१. महिलांचा सक्रिय सहभाग - 

या निवडणुकीत महिलांचा मोठा सहभाग दिसून आला आहे. मतदानाचा आकडा यंदा वाढला. मुख्यमंत्री नितीश कुमार यांनी ‘महिला रोजगार योजना’ आणली, ज्याअंतर्गत महिलांच्या खात्यात १० हजार रुपये जमा करण्यात आले होते.

२. नितीश कुमार यांचे दीर्घकालीन वर्चस्व - 

गेल्या अनेक वर्षांपासून नितीश कुमार हे बिहारच्या राजकारणात अग्रणी व्यक्तिमत्व आहेत. त्यांच्या राजकीय कारकीर्दीवर टीका झाली तरी त्यांनी जोरदार कमबॅक करून सत्ता कायम राखली.

३. मोदी-शहा प्रचाराचा परिणाम - 

पंतप्रधान नरेंद्र मोदी आणि अमित शहा यांच्या प्रचारामुळे एनडीएला प्रचंड फायदा झाला. ‘जंगलराज नको’ असा संदेश देत केलेल्या प्रचाराने मतदारांवर मोठा प्रभाव पडला.

४. केंद्र आणि राज्यात सुसंगत सरकार - 

बिहारमध्ये आणि केंद्रात एकच पक्षाचे सरकार असल्यामुळे विकासाचे काम सुलभ होईल असा मत काही लोकांनी व्यक्त केला. नितीश कुमार एनडीएच्या नेत्यांपैकी असल्याने ही गोष्ट त्यांच्या बाजूने गेली.

५. मतदान टक्केवारीत वाढ - 

यंदा मतदानाची टक्केवारी गेल्या वर्षांपेक्षा अधिक होती, ज्याचा फायदा एनडीएला झाला.

एकंदरीत, बिहारमध्ये एनडीएच्या विजयामागे महिलांचा सहभाग, दीर्घकालीन नेतृत्व, प्रभावी प्रचार, केंद्र-राज्य सुसंगतता आणि मतदान टक्केवारी वाढ यासारख्या कारणांचा मोठा वाटा आहे.