कोल्हापुरात केंद्रीय विद्यालयाची सुरुवात करावे, खा. धनंजय महाडिक यांची राज्यसभेत मागणी
mazamaharashtra 
कोल्हापूर / माझा महाराष्ट्र, प्रतिनिधी
कोल्हापूर जिल्ह्यात केंद्र सरकारचे सुमारे १ लाख कर्मचारी काम करतात. याशिवाय कोल्हापूरमध्ये प्रादेशिक सैन्य दलाची बटालियन आहे. त्यामुळे कोल्हापूर जिल्ह्यात केंद्रीय विद्यालयाची सुरवात करावे,अशी मागणी खासदार धनंजय महाडिक यांनी आज राज्यसभेत केली.
सध्या संसदेचे पावसाळी अधिवेशन सुरु असून, अधिवेशनात विविध विषयांना आणि मुद्यांना वाचा फोडून खासदार महाडिक यांनी कोल्हापूरच्या सर्वांगीण विकासाला गती देण्याचा प्रयत्न कायम ठेवला आहे. आज खासदार महाडिक यांनी राज्यसभेत बोलताना, कोल्हापुरात केंद्रीय विद्यालय सुरु करण्याची मागणी केली. केंद्रीय विद्यालयाने शिक्षण क्षेत्रात स्वतः चा वेगळा ठसा निर्माण केला आहे. बेळगाव आणि पुणे या ठिकाणी केंद्रीय विद्यालये आहेत. त्याच पध्दतीने कोल्हापुरातही केंद्रीय विद्यालय सुरु करावे, अशी आग्रही मागणी खासदार महाडिक यांनी केली. त्याला केंद्रीय शिक्षणमंत्री धर्मेंद्र प्रधान यांनी केंद्रीय विद्यालय सुरु करण्यासाठी एक विशिष्ट प्रणाली असून, कोल्हापुरात केंद्रीय विद्यालय सुरु करण्याबद्दल योग्य प्रस्ताव आल्यास त्यावर सकारात्मक निर्णय घेऊ, असे सांगितले.
