"8 कोटी खर्च करूनही जलपर्णीचा विळखा कायम! पुणे महापालिकेच्या कामांवर गंभीर प्रश्न"

पुणे (प्रतिनिधी) : पुण्यातील मुळा-मुठा नदी आणि शहरातील विविध तलावांमधील जलपर्णी काढण्यासाठी गेल्या चार वर्षांत तब्बल 8 कोटी रुपये खर्च करण्यात आले. मात्र एवढा खर्च करूनही जलपर्णीची समस्या कमी होण्याऐवजी आणखी वाढल्याचा आरोप होत आहे.महापालिकेच्या नोंदीनुसार, 2022 ते 2026 या कालावधीत जलपर्णी हटविण्यासाठी 12 कामांना जवळपास 13 कोटी रुपयांची मंजुरी देण्यात आली. त्यापैकी सुमारे 8 कोटी रुपयांची बिलेही अदा करण्यात आली आहेत.

धक्कादायक बाब म्हणजे, ही कामे महापालिकेच्या अंदाजित दरांपेक्षा 30 टक्क्यांहून कमी दरात मंजूर झाली. त्यामुळे कामांचा दर्जा आणि प्रत्यक्ष परिणाम यावर प्रश्नचिन्ह निर्माण झाले आहे.विरोधकांचा आरोप आहे की, जलपर्णीच्या मूळ कारणांवर उपाय करण्याऐवजी केवळ वरवरची साफसफाई केली जात आहे. सांडपाणी प्रक्रिया आणि नदी प्रदूषण नियंत्रणाकडे दुर्लक्ष होत असल्याने दरवर्षी कोट्यवधी रुपये खर्च करूनही समस्या कायम राहत आहे.

आता प्रश्न असा आहे की, खर्च झालेला पैसा खरोखरच प्रभावीपणे वापरला गेला का? आणि पुणेकरांना जलपर्णीच्या समस्येतून कायमची मुक्ती कधी मिळणार?