डीकेटीईचे प्रा.अवधूत टेळेपाटील यांना पी.एच.डी. प्रदान

इचलकरंजी (प्रतिनिधी) : येथील डी.के.टी.ई.च्या टेक्स्टाईल अ‍ॅन्ड इंजिनिअरींग इन्स्टिटयूट मध्ये इटीसी इंजिनिअरींग विभागात कार्यरत असणारे प्रा. ए.आर.टेळेपाटील यांना शिवाजी विद्यापीठ, कोल्हापूर यांचेकडून पी.एच.डी. ही पदवी प्राप्त झाली आहे. प्रा ए.आर.टेळेपाटील हे गेली १७ वर्षापासून प्राध्यापक म्हणून डीकेटीईमध्ये कार्यरत आहेत. त्यांनी ‘वायरलेस हँड जेस्चर ट्रेनर अ‍ॅण्ड असिस्टन्स सिस्टम फॉर पेशंटस विथ पार्किन्सन्स डिसीज’ या विषयावर पी.एच.डी.प्रबंध पूर्ण केला आहे. या संशोधनासाठी त्यांना डीकेटीईच्या प्राध्यापिका डॉ जयश्री वड्डीन यांचे मार्गदर्शन लाभले.

पी.एच.डी. पूर्ण झालेबद्दल संस्थेचे अध्यक्ष कल्लाप्पाण्णा आवाडे, माजी मंत्री प्रकाश आवाडे, मानद सचिव डॉ.सपना आवाडे, कार्यकारी संचालक रवी आवाडे व सर्व संचालक यांनी अभिनंदन केले व भावी कार्यासाठी शुभेच्छा दिल्या. यावेळी संस्थेच्या डायरेक्टर डॉ. एल.एस.आडमुठे, विभागप्रमुख प्रा.डॉ.जयश्री खरात उपस्थित होते.