स्वच्छता मोहिमेत 8 टण प्लॅस्टिक, तणकट व खरमाती उठाव

कोल्हापूर (प्रतिनिधी): महापालिकेच्यावतीने शहरातील विविध ठिकाणी आज स्वच्छता मोहिम अभियान राबविण्यात आली. हि स्वच्छता मोहिम महापौर रुपाराणी निकम यांच्या उपस्थितीत राबविण्यात आली. या स्वच्छता मोहिमेत 8 टण कचरा प्लॅस्टिक, तणकट, खरमाती व इतर कचरा गोळा करण्यात आला.

 महापौर रूपाराणी निकम यांनी प्रत्येक महिन्याच्या शेवटच्या रविवारी स्वच्छता मोहीम घेण्याचे निर्देश दिले होते. त्यानुसार ही स्वच्छता मोहीम घेण्यात आली.अतिरिक्त आयुक्त रविकांत आडसूळ, उपआयुक्त परितोष कंकाळ, किरणकुमार धनवाडे यांच्या नियंत्रणाखाली हि स्वच्छता मोहीम पार पडली. सकाळी 7 वाजलेपासून शहरातील सायबर चौक, आयएस ट्रेनिंग सेंटर, टाकाळा चौक ते शेंडा पार्क रोड, हॉकी स्टेडिअम चौक, व्हिनस कॉर्नर, जिल्हाधिकारी कार्यालय रोड, माऊली पुतळा, रेड्याची टक्कर चौक, खानविलक पेट्रोप पंप ते धैर्यप्रसाद चौक, व्हिनस कॉर्नर ते सीबीएस स्टँण्ड व पंचगंगा नदी घाट या परिसरात मुख्य रस्त्यांची स्वच्छता करण्यात आली.

       या स्वच्छता मोहिमेत मुख्य रस्ते, फूटपाथ वरील तनकट, खरमाती, प्लास्टिक व कचरा गोळा करून परिसर स्वच्छ करण्यात आला. या  मोहिमेतून 20 ट्रॅक्टर व 4 डंपर कचरा, खरमाती, प्लॅस्टिक व तनकट गोळा करण्यात आला.या स्वच्छता मोहिमेत महापालिकेच्या स्थानिक संस्था कर, ब्युरो, जन्म मृत्यू विभाग, सामान्य प्रशासन, आस्थापना, परवाना, विद्युत, कार्यशाळा, घरफाळा, नगररचना, जनसंपर्क, नगरसचिव कार्यालय, वर्कशॉप, आरोग्य प्रशासन, मुख्य लेखापाल विभागाचे अधिकारी व कर्मचाऱ्यांनी शहरातील विविध ठिकाणी स्वच्छता केली.

        या मोहिमेत सभागृहनेता मुरलीधर जाधव, उपशहर अभियंता अरुण गुजर, मुख्य आरोग्य निरिक्षक जयवंत पवार, कनिष्ठ अभियंता प्रमोद बराले, सर्व आरोग्य निरिक्षक महापालिका आरोग्य विभागाचे 500 व विविध विभागाकडील 250 कर्मचारी व नागरीकांनी सहभाग घेतला.