शरद इन्स्टिट्युट ऑफ टेक्नॉलॉजीमध्ये 'राष्ट्रीय ग्रंथपाल दिन' उत्साहात; पद्मश्री डॉ. एस. आर. रंगनाथन यांना अभिवादन
mazamaharashtra 
यड्राव (प्रतिनिधी): यड्राव येथील 'शरद इन्स्टिट्युट ऑफ टेक्नॉलॉजी कॉलेज ऑफ इंजिनिअरिंग'मध्ये भारतीय ग्रंथालयशास्त्राचे जनक, पद्मश्री डॉ. एस. आर. रंगनाथन यांच्या जयंतीनिमित्त 'राष्ट्रीय ग्रंथपाल दिन' मोठ्या उत्साहात साजरा करण्यात आला.
संस्थेचे एक्झिक्युटीव्ह डायरेक्टर अनिल बागणे यांच्या हस्ते डॉ. एस. आर. रंगनाथन यांच्या प्रतिमेचे पूजन करून त्यांना आदरांजली वाहण्यात आली.
डॉ. रंगनाथन यांच्या योगदानाचा जागर: ग्रंथपाल युवराज पाटील यांनी उपस्थितांना डॉ. एस. आर. रंगनाथन यांच्या ग्रंथालय क्षेत्रातील ऐतिहासिक योगदानाची माहिती दिली.
ग्रंथालयशास्त्राची पंचसूत्री: डॉ. रंगनाथन यांनी ग्रंथालयाच्या कार्याला शास्त्रीय आणि शिस्तबद्ध स्वरूप दिले. त्यांनी मांडलेली 'ग्रंथालयशास्त्राची पंचसूत्री' आजही जगभरात ग्रंथालय व्यवस्थापनाचा मुख्य पाया मानली जाते.
कोलन क्लासिफिकेशन पद्धत: त्यांनी विकसित केलेली 'कोलन क्लासिफिकेशन' (Colon Classification) ही वर्गीकरण पद्धत ग्रंथालयशास्त्राच्या इतिहासातील अत्यंत महत्त्वाची व क्रांतिकारी उपलब्धी मानली जाते.
या प्रसंगी महाविद्यालयाचे ग्रंथपाल, सर्व विभागांचे प्रमुख, प्राध्यापकवृंद तसेच ग्रंथालय विभागातील सर्व कर्मचारी उपस्थित होते.
